O‘zbekiston bozorlarida afg‘on gilosi sotila boshlanadi
Import qiluvchilar olma va uzum yetkazib berish variantlarini ham ko‘rib chiqmoqda.
O‘zbekiston va Qirg‘iziston Afg‘onistondan 100 tonna gilos sotib olishga kelishib oldi, deb xabar bermoqda TOLONews.
Ma’lumotlarga ko‘ra, mevani Panjsher provinsiyasi yetkazib beradi. Qayd etilishicha, tomonlar o‘zbek va qirg‘iz tadbirkorlarining Afg‘onistonga tashrifi chog‘ida yetkazib berish bo‘yicha kelishib olgan. Xususan, tadbirkorlar nafaqat mintaqadagi afg‘on gilosi bozorlarini ta’minlashni, balki uni Rossiyaga eksport qilishni ham rejalashtirmoqda.
Kelgusida O‘zbekiston va Qirg‘izistondan import qiluvchilar assortimentni kengaytirishni va unga afg‘on olmalari va uzumlarini ham qo‘shishni rejalashtirmoqda. Ta’kidlanishicha, 2024-yilda Panjsher viloyatidagi ayrim bog‘ egalari gilos sotishdan 5 million dollardan ortiq daromad olishga muvaffaq bo‘lgan.
Avvalroq O‘zbekiston Serbiya uchun gilos va o‘rik yetkazib beruvchi asosiy davlatlardan biriga aylanishi mumkinligi xabar qilingandi. Mamlakatda danakli mevalar hosili kamayib bormoqda.
Izohlar