O‘zbekistonlik noqonuniy muhojir AQSHda jinsiy jinoyatda ayblanib hibsga olindi
Yigit allaqachon deportatsiya qilishga hukm qilingan, biroq u ICE`ga xabar bermasdan, ushlab turish so‘rovini bajarmasdan ozod qilingan.
28-aprel kuni Staten-Aylendda AQSh Immigratsiya va bojxona xizmati xodimlari 21 yoshli O‘zbekiston fuqarosi Ulug‘bek Davronovni bir nechta jinoyatlarda gumon qilib qo‘lga oldi, deb xabar qildi agentlik matbuot xizmati.
Yigit AQShda noqonuniy bo’lgan va hozirda bir qator jiddiy jinsiy jinoyatlarda ayblanmoqda. Davronovga qo‘yilgan ayblovlar orasida zo‘rlash (o‘z roziligisiz og‘zaki jinsiy aloqa), jinsiy zo‘ravonlik (o‘z roziligisiz og‘zaki jinsiy aloqa), badanga shikast yetkazish maqsadida tajovuz qilishga urinish va jinsiy zo‘ravonlik (roziliksiz majburiy jinsiy aloqa) kiradi.
U birinchi marta 2022-yil 28-dekabrda Arizona shtatining Lyukvill shahri yaqinida Meksikadan chegarani noqonuniy kesib o‘tganidan keyin AQSh chegara xizmati xodimlari tomonidan qo‘lga olingan. U hibsga olingan va deportatsiya jarayoni boshlangan. 2023-yil 28-iyulda immigratsiya sudyasi uni AQShdan sirtdan chiqarib yuborishni buyurdi. 19 fevral kuni Davronov ayblovlar bo‘yicha Kvins okrugi jinoyat ishlari bo‘yicha sudiga keldi. O’sha kuni ICE uni Kvins hibsxonasida ushlab turish uchun ariza topshirdi. Biroq, ertasi kuni u ICEni xabardor qilmasdan yoki ushlab turish talabini bajarmasdan qo’yib yuborildi.
ICE Nyu-York qochoqlar bo’limi agentlari Milliy xavfsizlik bo’yicha tergov agentlari bilan hamkorlikda maqsadli operatsiya davomida Davronovni Staten orolida qo’lga olishdi va uni qayta ishlash uchun ICE dala ofisiga olib ketishdi. Hozirda u hibsda.
Avvalroq AQShda o‘zbekistonliklarni deportatsiya qilish uchun charter reys tashkil etilgani haqida xabar berilgandi. Diplomatlar repatriatsiya paytida insonparvarlik tamoyillariga rioya etilishini ta’minlaydi.
Izohlar