“Tolibon” figuralari butlarga o’xshagani uchun stol futbolini taqiqladi

“Tolibon” stol ustidagi futbolni taqiqladi, chunki figuralar butlarga o‘xshaydi, deb yozadi Afghanistan International.

“Tolibon” stol futbol klublariga o‘yinni davom ettirish uchun futbolchilarning haykalchalarini olib tashlashni buyurdi. Bajarmaslik to‘liq taqiqqa olib keladi. Qayd etilishicha, o‘yindagi o‘yinchilarning mitti shakllari islom dinida taqiqlangan butlarni eslatadi. Tolibon taqiq haqida rasmiy bayonot bermadi.

Avvalroq “Tolibon” Afg‘onistonda shaxmatni taqiqlagani xabar qilingandi. O‘yin harom deb topildi. Tegishli farmonni Afg‘oniston amirining shaxsan o‘zi Ezgulikni targ‘ib qilish va yovuzlikning oldini olish vazirligi taklifiga binoan imzoladi.

Eslatib o‘tamiz, Afg‘onistonda ayollarning bir-biri bilan gaplashishi taqiqlangan. Qaror “Tolibon”ning ezgulik vazirligi tomonidan qabul qilingan. “Tolibon”ning ezgulikni targ‘ib qilish va illatlarning oldini olish vazirligi ayollarga ham sotuvchilar bilan savdo qilishni taqiqladi. Chiqarilgan buyruqlarda ayollar sotuvchilar bilan savdolashayotganda, ularning ovozlari boshqa erkaklarga eshitilib, ularni “yo‘ldan ozdirishi” aytilgan.