Janubiy Koreya Toshkentdan Andijonga pulli yo‘l qurishda yordam berishi mumkin
Ikki mamlakat vakillari O‘zbekistonda sun’iy intellektga asoslangan Koreya texnologiyalarini joriy etish imkoniyatlarini muhokama qildi.
Janubiy Koreya Toshkentdan Andijonga pulli avtomobil yo‘lini qurish loyihasini amalga oshirishda yordam berishi mumkin.
Transport vaziri o‘rinbosari Ilhomjon Abdug‘afforov Janubiy Koreya yer resurslari, infratuzilma va transport vaziri Pak Sangvu va Korea Expressway Corporation prezidenti Ham Jingyu bilan muzokaralar o‘tkazdi.
Tomonlar O‘zbekistonda Koreyaning avtomobil yo‘llarini boshqarish tizimlari, aqlli svetoforlar, sun’iy intellektga asoslangan harakatni boshqarish tizimlarini joriy etish, shuningdek, Janubiy Koreya hukumati tomonidan texnik yordam va o‘zbekistonlik mutaxassislarni tayyorlash dasturlarini amalga oshirish imkoniyatlarini muhokama qildi.
Shuningdek, Koreya tomoni O‘zbekistonda yo‘l infratuzilmasini raqamlashtirish loyihalari, jumladan, intellektual tolling, ITS sensor tizimlari, harakat monitoringi, Toshkentdan Andijonga pullik yo‘l qurilishi doirasida KEC korporatsiyasining avtomobil yo‘llarini rivojlantirishdagi ishtiroki bo‘yicha o‘z takliflari bilan o‘rtoqlashdi.
Mavzuga doir: YIM o‘sishi va YTHning kamayishi: Toshkent-Andijon pulli yo‘li O‘zbekistonga nima beradi? Magistral yo‘lga sarflanadigan vaqtni ham sezilarli darajada qisqartiradi.
Izohlar