Nogironligi bo‘lganlarni ishga qabul qilgan tadbirkorlarning ayrim xarajatlari qoplab beriladi

Prezident qaroriga muvofiq, 1-iyundan I va II guruh nogironlarini ish bilan ta’minlagan tadbirkorlarga 50 million so‘mgacha miqdorda subsidiya beriladi.

Subsidiyalar surdo-tarjimonlar, psixologlar va hamrohlik qiluvchi shaxslar xizmatlarini ko‘rsatish xarajatlarini qoplaydi. Bundan tashqari, jismoniy shaxslarga yakka tartibdagi tadbirkor sifatida eskort xizmati ko‘rsatishga ruxsat beriladi. Yagona milliy ijtimoiy himoya axborot tizimi nogironligi bo‘lgan mehnatga layoqatli shaxslar reyestrini yuritadi.

Hujjatda quyidagi asosiy maqsadlar ham belgilab berildi:

• nogironlarning samarali faoliyat yuritishi uchun maxsus xizmatlar tizimini joriy etish;
• imkoniyati cheklangan yoshlarni zamonaviy kasb-hunarlarga o‘rgatish va ularning mehnat bozoriga kirishi uchun qo‘shimcha imkoniyatlar yaratish;
• 2025-yil oxirigacha 80 ming nogironning barqaror bandligini va munosib daromadini taʼminlash.

Eslatib o‘tamiz, O‘zbekistonda nogironlikni belgilash tartibi o‘zgartiriladi. Rasmiylar VKK tizimidan voz kechadi.