Oliy Majlis Senati a’zosi Azim Latipov 74 yoshida vafot etdi
Senator 2002-yilda “O‘zbekiston Qahramoni” unvoni bilan taqdirlangan.
6-iyun kuni Oliy Majlis Senati a’zosi Azim Latipov 74 yoshida vafot etdi, deya xabar bermoqda Shofirkon tumani hokimligi axborot xizmati.
Azim Latipov 1951-yil 6-iyunda Buxoro viloyati Shofirkon tumanida tug‘ilgan. Mehnat faoliyatini 1971-yilda jamoa xo‘jaligida zootexniklikdan boshlagan. Buxoro viloyatida paxtachilik, g‘allachilik, chorvachilik sohalarida ishlagan. Fermer xo‘jaligida qovunning qadimiy navlarini yaratish, hosildorlikni oshirish kabi faoliyat turlari bilan ham shug‘ullangan.
1996–2007-yillarda “Buxoro” jamoa xo‘jaligi a’zosi bo‘lib ishlagan. 1996-yilda “Shuhrat” medali, 2002-yilda “O‘zbekiston Qahramoni” unvoni bilan taqdirlangan. Uch marta O‘zbekiston Oliy Majlisi Senati a’zosi etib saylangan. 2004–2019-yillarda Senatning Agrar, suv xo‘jaligi masalalari va ekologiya qo‘mitasi a’zosi. 2004-yildan xalq deputatlari Buxoro viloyati Kengashi deputati.
Eslatib o‘tamiz, avvalroq yosh yulduz Shirin Abdullayeva vafot etgandi. 19 yoshli xonanda meningit tufayli bir necha oy komada bo‘lgan.
Izohlar